Hayes Apartments
Ystafell Farchnata Stills yn rhoi llwyfan unigryw i Hayes Apartments
Mae ymgyrch farchnata arloesol gan Stills ar gyfer Hayes Apartments yng nghanol dinas Caerdydd wedi cael ei chynnwys ar restr am wobr nodedig.
Mae’r ymgyrch integredig yn cynnwys amrywiaeth o ddulliau i gyfathrebu a rhyngwynebu â chleientiaid, gan gynnwys llawlyfrau marchnata a deunydd darllen, hysbysebu mewn print a thacsis wedi’u gorchuddio â hysbysebion, ynghyd ag Ystafell Gwerthu a Marchnata yn 54, Ffordd y Santes Fair sy’n rhoi cipolwg ymlaen llaw i ddarpar brynwyr o’r datblygiad preswyl unigryw. Cafodd holl elfennau’r ymgyrch eu llunio’n ofalus gan Stills i greu argraff drawiadol a chyson o nodweddion unigryw’r rhandai newydd hyn yng nghanol y ddinas.
Mae ymgyrch gyfannol Stills wedi cael ei chynnwys ar restr fer i ennill Gwobr Gŵyl Ddylunio Caerdydd ac eisoes wedi cael ei dewis i’w chynnwys yn rhan o arddangosfa deithiol yr ŵyl, a fydd yn dechrau yn y brifddinas, cyn teithio ar draws Ewrop.
Yn ôl Rheolwr Gyfarwyddwr Stills, Chris Carpenter: “Roedd hi’n bwysig i ni ddylunio gofod a oedd nid yn unig yn ymarferol fel ystafell farchnata, ond a oedd hefyd yn dangos elfen o ‘waw ffactor’ i ddenu pobl i mewn a’u cyffroi ynglŷn â’r ffordd o fyw a oedd yn gysylltiedig â Hayes Apartments. Er mwyn cyflawni’r nod hwnnw, roedd angen iddo fod yn wahanol i unrhyw beth arall o’i amgylch a dyna’r union beth a gyflawnwyd gennym.”